六月‧ 戒烟月

【世界无烟日】

今日系世界无烟日，世卫将今年慨主题定为「戳穿诱惑: 揭露烟草和尼古丁制品行业的策略」。

烟草商为咗增加消费群，喺烟草产品加入甜味、水果味、薄荷等添加剂去掩盖烟草烟雾既刺喉感，仲会用食咗会「顺喉」既字眼去欺骗你 ; 又以时尚设计、迷人色彩和诱人口味诱惑你去尝试。

有研究显示，烟草产品里面加咗添加剂会鼓励市民尝试和长期吸烟，更会降低吸烟者对烟草产品危害的判断。研究亦证实，吸食薄荷烟草产品的人士对尼古丁慨依赖程度增加，戒烟成功率亦会更低。即使成功戒烟，也较容易食番烟。

聪明慨你要知道，乜嘢烟都有害，千祈唔好俾烟草商蒙骗或诱惑到！

【戒烟月开始喇！ 】

六月戒烟月开始喇！恭喜你，你已成功行出第一步！记得话畀屋企人同朋友知，你决心戒烟。如果你需要支援，我哋都有好多戒烟方法帮到你！你亦可请教戒咗烟慨朋友有咩戒烟心得。如果你啲家人同朋友都食烟，最好叫埋渠哋同你一齐戒烟，仲可以互相支持同鼓励，坚持落去，一支都唔好食！

喺香港，每100个人就有超过90个系从未吸烟或成功戒烟人士，欢迎你加入呢个无烟大家庭！

【努力坚持，唔再食烟！ 】

唔食烟一日，血压、心跳和体内一氧化碳已经回复正常水平。继续努力！

【继续远离烟支！ 】

恭喜你戒咗烟3日！继续努力，坚持落去！

如果啰啰挛、心思思想食番烟，试下停一停，深呼吸。然后饮杯水。仲想食的话，可以用3－5分钟做伸展运动，听首歌、或者做其他事分散注意力去克服心瘾！

你亦可以将戒烟糖/香口胶或者无糖香口胶放在台面、手袋、衫或裤袋嗰啲显眼或者容易攞到慨地方，如果啰啰挛想食烟慨时候，就随时攞出来食。为自己而努力，身边所有人都一定会支持你。

【中医针灸戒烟 - 助你舒适戒烟】

中医针灸戒烟能调理身体机能、宣通肺气、镇静安神、亦可刺激增加多巴胺水平，有助改善戒烟初期引致慨身体不适。超过八成戒烟人士反映，接受针灸疗程后，明显减轻头晕头痛、易发怒、疲倦、心情不安、渴望食烟、食欲大增、难以入睡、难以集中精神等退瘾症状。

再配合平日自行按压穴位同耳穴，成效更显著。

【戒烟小贴士】

有时无聊或者想食烟，可以做下运动帮自己分散​​注意力，例如行个圈和做下伸展手脚既运动；亦可以原地踏步、急步快行，或做肌肉训练等，大约三至五分钟后，吸烟的冲动便会自然消失。继续努力，一枝都唔食！

长远可以养成做运动的习惯，如游水、踏单车、做Gym等，都有助自己戒烟。选择一种适合自己和喜欢的运动，远离支烟。

【戒烟小贴士】

提醒自己，我唔会比支烟控制到。啰啰挛想食烟时，可以切个生果食，或者食无糖香口胶纾缓口瘾。同自己讲，我会继续坚持同努力去戒烟。

【戒咗烟7日啦！ 】

恭喜自己、赞赏自己，成功戒咗烟7日啦！戒烟过程绝不容易，你可以不时畀自己一啲小奖励，例如食个丰盛慨晚餐，鼓励自己要继续努力、坚持落去，一支都唔好食！

【戒烟小贴士】

趁着今日星期日去行山、做运动、陪下家人或者让自己好好享受假期，继续远离支烟！