六月‧ 戒煙月

【世界無煙日】

今日係世界無煙日，世衞將今年嘅主題定為「戳穿誘惑: 揭露煙草和尼古丁製品行業的策略」。

煙草商為咗增加消費群，喺煙草產品加入甜味、水果味、薄荷等添加劑去掩蓋煙草煙霧既刺喉感，仲會用食咗會「順喉」既字眼去欺騙你 ; 又以時尚設計、迷人色彩和誘人口味誘惑你去嘗試。

有研究顯示，煙草產品裏面加咗添加劑會鼓勵市民嘗試和長期吸煙，更會降低吸煙者對煙草產品危害的判斷。研究亦證實，吸食薄荷煙草產品的人士對尼古丁嘅依賴程度增加，戒煙成功率亦會更低。即使成功戒煙，也較容易食番煙。

聰明嘅你要知道，乜嘢煙都有害，千祈唔好俾煙草商矇騙或誘惑到！

【戒煙月開始喇！】

六月戒煙月開始喇！恭喜你，你已成功行出第一步！記得話畀屋企人同朋友知，你決心戒煙。如果你需要支援，我哋都有好多戒煙方法幫到你！你亦可請教戒咗煙嘅朋友有咩戒煙心得。如果你啲家人同朋友都食煙，最好叫埋佢哋同你一齊戒煙，仲可以互相支持同鼓勵，堅持落去，一支都唔好食！

喺香港，每100個人就有超過90個係從未吸煙或成功戒煙人士，歡迎你加入呢個無煙大家庭！

【努力堅持，唔再食煙！】

唔食煙一日，血壓、心跳和體內一氧化碳已經回復正常水平。繼續努力！

【繼續遠離煙支！】

恭喜你戒咗煙3日！繼續努力，堅持落去！

如果囉囉攣、心思思想食番煙，試下停一停，深呼吸。然後飲杯水。仲想食的話，可以用3－5分鐘做伸展運動，聽首歌、或者做其他事分散注意力去克服心癮！

你亦可以將戒煙糖/香口膠或者無糖香口膠放在檯面、手袋、衫或褲袋嗰啲顯眼或者容易攞到嘅地方，如果囉囉攣想食煙嘅時候，就隨時攞出來食。為自己而努力，身邊所有人都一定會支持你。

【中醫針灸戒煙 - 助你舒適戒煙】

中醫針灸戒煙能調理身體機能、宣通肺氣、鎮靜安神、亦可刺激增加多巴胺水平，有助改善戒煙初期引致嘅身體不適。超過八成戒煙人士反映，接受針灸療程後，明顯減輕頭暈頭痛、易發怒、疲倦、心情不安、渴望食煙、食欲大增、難以入睡、難以集中精神等退癮症狀。

再配合平日自行按壓穴位同耳穴，成效更顯著。

【戒煙小貼士】

有時無聊或者想食煙，可以做下運動幫自己分散注意力，例如行個圈和做下伸展手腳既運動；亦可以原地踏步、急步快行，或做肌肉訓練等，大約三至五分鐘後，吸煙的衝動便會自然消失。繼續努力，一枝都唔食！

長遠可以養成做運動的習慣，如游水、踏單車、做Gym等，都有助自己戒煙。選擇一種適合自己和喜歡的運動，遠離支煙。

【戒煙小貼士】

提醒自己，我唔會比支煙控制到。囉囉攣想食煙時，可以切個生果食，或者食無糖香口膠紓緩口癮。同自己講，我會繼續堅持同努力去戒煙。

【戒咗煙7日啦！】

恭喜自己、讚賞自己，成功戒咗煙7日啦！戒煙過程絕不容易，你可以不時畀自己一啲小獎勵，例如食個豐盛嘅晚餐，鼓勵自己要繼續努力、堅持落去，一支都唔好食！

【戒煙小貼士】

趁著今日星期日去行山、做運動、陪下家人或者讓自己好好享受假期，繼續遠離支煙！

【提醒自己戒煙嘅初心】

你可以將你戒煙嘅理由、困難同埋心路歷程一一記低，仲有將阻礙你戒煙嘅人同情境、你點樣克服、以及從中得到嘅體驗集成「備忘錄」。當你覺得戒得辛苦嘅時候可以睇番，提醒自己。厘茄、烘烤堅果等，以解口癮。

戒一定好過唔戒，鼓勵自己要堅持落去！繼續加油！

【煙草會奪走你嘅味覺同嗅覺】

研究顯示，每日吸煙量高嘅人，舌頭上嘅味蕾數目會減少，令味覺變得遲鈍。戒煙可以逆轉呢個情況。通常戒煙2日後，味覺同嗅覺就會開始恢復，大約數個月後就會回復正常水平。

冇食10日煙，你嘅味覺、嗅覺應該越嚟越敏銳，可享受美味食物！

【吸煙提早衰老，提早更年期！ 】

不可不知，食煙唔止唔見錢，仲會令皮膚變差、牙齒變黃同影響生育能力！

日日係咁食煙，煙草煙霧嘅毒素會持續令皮膚細胞氧化、皮膚變得粗糙、暗黃無光澤、增加皺紋和色斑、加速皮膚衰老，塊面又黃又黑，乾到搽乜都補唔返！

手指、指甲仲會變黄，又會影響頭皮既血液循環，令髮質枯乾無光澤、加速出現白髮、脫髮、禿頭等問題，看起來比實際年齡老得多，仲成身煙味。

吸煙又會導致不孕、令骨質疏鬆、增加子宮頸癌風險，提早更年期1至4年和引致其他疾病，千祈唔好等到出現問題先嚟後悔。

對自己好，你一定要立即戒煙 ！

【吸煙有損形象，提早衰老！ 】

唔好被電影、廣告等宣傳矇騙自己，覺得食煙好有型、有品味、可以增加個人魅力仲好cool，其實，食煙唔止唔見錢，仲會影響外觀同個人型象。

日日係咁食煙，牙齒變得又黃又黑，有口氣又口臭，仲會增加牙周病的風險 ; 手指、指甲變黄，又會影響頭皮既血液循環，令髮質枯乾無光澤、加速出現白髮、脫髮、禿頭等問題，看起來比實際年齡老得多，無曬活力，仲成身煙味，更會影響生育能力。

唔好以為戒煙可以等吓先，等到有問題出現先去戒煙。其實，食煙係會持續對你身體造成傷害！對自己好，你一定要立即戒煙 ！

【戒煙小貼士】

戒煙時，盡量避免飲用酒精或含咖啡因嘅飲品。我哋建議轉飲水，可以加一、兩片新鮮檸檬或橙喺水裏面，帶出清新感覺，一振精神。你亦可以食健康嘅小食，例如蘋果、香蕉、青瓜條、車厘茄、烘烤堅果等，以解口癮。

【運動耐力上升💪】

吸煙導致血液中嘅一氧化碳含量急升，阻礙氧氣被輸送到肌肉同其他身體組織，令運動表現同耐力下降。要提升運動量同表現，首先要戒煙!

戒煙後2星期至4個月內，循環系統同肺功能已得到改善。有研究顯示，戒煙短短14日，已經能夠改善肌肉對抗疲勞嘅能力。戒煙後2年，運動表現會有更顯著嘅提升，繼續堅持努力戒煙，身邊所有人都撐你！

📣 想及時獲取健康資訊？右上角「追蹤設定(Follow Settings)」記得揀「最愛(Favourites)」，再按「更新(Update)」。我哋亦已推出Instagram, WeChat及YouTube(https://www.dh.gov.hk/tc_chi/useful/useful_social_media/useful_social_media.html) ，快啲追蹤我哋!

📌 從 @DH App 獲取最新資訊！只需點擊連結即可立即下載應用程式：https://apigw.dhapp.dh.gov.hk/redirection.html?lang=tc

【鼓勵父親戒煙】

父親節快樂！如果爸爸有吸煙習慣，就為佢送上呢份無價嘅健康禮物，鼓勵佢戒煙啦！

【錯誤以為食煙可以放鬆減壓】

唔好以為食煙可以放鬆減輕壓力，其實係尼古丁令人產生輕鬆的錯覺和假象。事實上，它令腎上腺素分泌增多，令心跳加快，血壓上升，絕不能令人放鬆。而且食煙會影響血管健康，增加患上心臟病及中風既風險，二手煙仲有機會影響家人同朋友。

所以唔好用任何藉口唔俾自己戒煙。為自己、為家人做最好的事：立即戒煙。

【吸煙有損寵物同家人健康】

研究顯示二手煙可以導致多種疾病，而三手煙殘留嘅時間更可長達數月，並透過觸摸或其他接觸危害健康。

愛錫寵物同家人嘅你，立即戒煙啦！你們都值得擁有一個無煙、清新嘅屋企。

【吸煙損害男性生育功能】

吸煙會破壞陰莖海綿體血管細胞，影響勃起功能。綜合國際多項研究嘅回顧發現，男性吸煙者患上勃起功能障礙嘅比率較非吸煙者高5成，而喺本地同內地進行嘅研究亦發現類似結果。

患上勃起功能障礙嘅風險更同每日吸煙數量有明顯關連。

吸煙影響生育健康和生活質素。為避免吸煙對性功能造成永久損害，有吸煙習慣嘅男士應盡早戒煙！

【唔好以為食少啲煙就冇事！】

綜合研究指出，相比唔食煙嘅人，那怕你每日食一支煙，你嘅中風風險會比唔食煙嘅人高2成，而患冠心病嘅風險亦會高4成。可以咁講，呢一支煙帶來嘅風險已經相當於每日一包煙嘅一半！

純粹減煙無助減低吸煙引致嘅疾病及死亡風險。戒煙要徹底，一支都唔好食！

【吸煙危害兒童健康】

兒童吸食二手煙會增加患上癌症、中耳炎、下呼吸道疾病，仲有嚴重哮喘嘅風險!

三手煙就係吸煙後，殘留喺衣物、身體同家居物品表面嘅尼古丁同其他有害物質，例如鉛同致癌物等。呢啲物質會殘留數日至數星期，一般清潔劑無法清除，仲會透過呼吸同皮膚進入體內。

只有戒煙先可以保護家人免受二手煙同三手煙嘅影響，亦可以避免身上殘留難聞氣味。

為子女健康着想，戒煙啦！

【恭喜你21日冇食煙 ，繼續努力！】

恭喜你！21日冇食煙慳咗唔少錢，用嚟買電子用品或家庭電器，都有唔少選擇，又可以買份小禮物獎勵一下自己，繼續堅持同努力！

【繼續遠離煙支！】

恭喜你戒咗煙3星期！

你嘅肺功能正慢慢恢復，你嘅呼吸亦會越來越順暢。繼續堅持同努力，身邊所有人都撐你！

【另類吸煙產品 同樣損害健康】

你一定要知！坊間誤傳吸食電子煙、加熱煙較安全同健康，釋出的化學物較傳統煙仔少，減低對身體既傷害。其實係宣傳伎倆，故意淡化吸食另類吸煙產品對身體帶來既傷害。而且加味既煙草產品臭味大減，令吸煙者警覺性降低，不知不覺間吸食更多煙，煙癮增加，更難戒煙。

世界衞生組織表示，使用所有形式的煙草都有害，部份有毒或致癌物質是沒有安全水平的，絕對會危害吸煙者的健康。

聰明嘅你，千祈唔好俾煙草商呃到！

【戒煙小貼士】

知道自己心癮又來，立即停一停、深呼吸三至五次，回想一件快樂事，或者可以計劃一下明天的活動，吸煙的衝動便會自然消失，繼續堅持努力，一支都唔食！

【吸煙致癌】

煙草煙霧含7000多種化學物質，當中最少有69種是致癌物。吸煙引致最少12種癌症，包括肺癌、胃癌、子宮頸癌、大腸癌等，不但致命，亦可能帶來長期後遺症，連基本身體機能例如進食和排泄，都可能永久受損。唔想呢啲問題成為你每日生活嘅一部分，立即戒煙吧！

【戒煙永不嫌遲！】

吸煙者有認知障礙症（俗稱腦退化症）的機會較非吸煙者高3至4成，風險更會隨着每日吸煙量增加！吸煙減少腦細胞血液和氧氣供應，會導致細胞損害及死亡。最近亦有研究顯示，吸煙會令腦部萎縮。吸煙除了損害腦細胞，亦會增加患上白內障和髖骨折等疾病風險以致影響活動能力。

想將來老左仲可以有獨立既活動能力?即使60歲以後戒煙，同樣有即時及長遠嘅裨益。戒煙永遠唔會遲！叫身邊嘅老友記立刻戒煙！

【一日一包煙 = 一年白做個半月？】

戒煙除咗對身體好，仲可以幫你慳錢！香港工資中位數係$20,000，如果你每日花近$100買一包煙，一年就要$36,500。換言之，每年就得大約10個半月糧咋！

立即戒煙 拯救荷包！

【要讚下自己】

如果你已經四個星期冇食煙，就要讚下自己，我做得到！因為的確唔容易，個種滿足感同成功感，令自己唔會再食番煙。

【想戒煙就立即行動】

戒咗煙既朋友，你終於可以同後巷和垃圾桶講分手喇！自己嘅人生應該想點就點！

【享受無煙時刻】

就趁今日，同你嘅家人或朋友享受相處嘅無煙時刻～