六月‧ 戒煙月

戒煙第一天

六月戒煙月開始喇，恭喜你，你已行出成功嘅第一步！你話咗俾屋企人知未呀？
我地一日一個post，俾啲戒煙貼士同埋提醒大家點解要堅持戒煙，陪你渡過呢個無煙月！

戒煙第二天

唔食煙一日，血壓、身體內一氧化碳已經回復正常水平。繼續努力！

戒煙第三天

冇食2日煙，你嘅味覺、嗅覺應該越嚟越敏銳！不如諗定聽日Happy Friday食乜好～

戒煙第四天

吸煙減少腦細胞血液和氧氣供應，導致細胞損害及死亡。根據多項綜合研究，吸煙者有認知障礙症（俗稱老年癡呆症）及阿茲海默症的機會較非吸煙者高三至四成，風險更隨着每日吸煙量增加！戒煙事不宜遲！

戒煙第五天

一個星期冇食煙，已經慳返$400，可以食餐好！成功戒煙更幫你慳返至少2成醫療保費，繼續努力！

戒煙第六天

煙草煙霧嘅毒素令皮膚細胞氧化，以致提早衰老，食乜、搽乜都補唔返！快啲戒煙，減少對皮膚嘅傷害！

戒煙第七天

戒煙頭幾日退癮徵狀最明顯，不過兩星期左右徵狀就會消退，恭喜你已經過咗一半喇！

要堅持落去呀！叫埋家人朋友一齊幫你，遠離誘惑，用其他嗜好分散注意⼒，例如游水、聽歌、打波、煲劇。再唔得，打1833 183搵我地幫你～

戒煙第八天

食煙唔止唔見錢，連精子都少啲

研究顯示，吸煙可以損害精子DNA，令精子形態及活動力異常，吸煙者精子過少風險較非吸煙者高29%，影響生育健康！戒煙啦！

戒煙第九天

煙草煙霧破壞肺部纖毛細胞，使肺部不能有效清除分泌黏液及當中的細菌、塵埃等外來物，兼且削弱免疫細胞的殺菌功能。一旦感染新冠病毒，仲會增加成為重症患者及死亡風險！戒煙啦！

戒煙第十天

加熱煙同傳統煙尼古丁含量相若，所以同樣容易令人上癮。現有數據已顯示加熱煙產生的煙霧含有最少 80 種屬加熱煙獨有或比傳統煙更多的化學物質，包括致癌物。所以戒煙期間千祈唔好用加熱煙，否則前功盡廢！

戒煙第十一天

吸煙會加劇經痛，更會提早更年期，同加劇更年期症狀（例如潮熱）。想對自己好啲？戒煙啦！

戒煙第十二天

多謝戒咗煙嘅你！屋企摯愛唔使再聞二手煙

戒煙第十三天

一日一包煙 = 白做一個月？

香港工資中位數$18,400，如果你每日花60蚊買一包煙，一年就要$21,900，即係每年只出11個月糧咋

戒煙第十四天

恭喜你戒咗煙14日！有冇覺得做運動、游龍舟水或扒龍舟時冇以前咁索氣？

研究發現，吸煙者的運動耐力明顯比非吸煙者低。吸煙者運動期間的血壓顯著較高，平均持續運動時間亦較短。

戒煙第十五天

煙草煙霧含有7,000種化學物質，當中至少69種致癌物。多年研究已證明，煙草煙霧會損害身體幾乎所有器官。你要繼續努力戒煙！

戒煙第十六天

煙草有毒物質會令口腔組織和骨骼慢性發炎，同時抑制免疫細胞功能及妨礙自我修復，因而增加牙周病風險同引致口臭，仲會增加植牙手術失敗率！

想牙齒健康同避免提早甩牙，唔好再食煙！

戒煙第十七天

吸煙引致最少12種癌症，包括胃癌、子宮頸癌、大腸癌等。這些由吸煙引起的癌症不但可以致命，亦可能帶來長期後遺症。一些基本身體機能例如進食和排泄，都可能永久受損。不想這些問題成為你每天生活的一部分？立即戒煙吧！

戒煙第十八天

有趣冷知識：有交友網站數據顯示，近9成使用者都選擇非吸煙者為交往對象～想出pool同識多啲朋友？戒煙啦！

戒煙第十九天

吸煙破壞卵巢細胞，影響卵子受精及受精卵植入子宮，以致影響生育。

大量研究顯示，吸煙者比非吸煙者高 3 倍機會需要嘗試超過1 年才能成功懷孕，風險亦隨吸煙量上升。另外，流產風險亦高2至3成。有計劃迎接小生命嘅男士女士快啲戒煙啦！

戒煙第二十天

吸煙導致胰臟細胞發炎，尼古丁亦抑制胰島素的正常釋放，因而導致糖尿病。

綜合研究分析顯示，吸煙者比非吸煙者患上糖尿病的風險高3成。唔想咁？戒煙啦！

戒煙第二十一天

恭喜你21日冇食煙同慳咗$1200！用嚟買電子用品或家庭電器，都有唔少選擇架！獎勵下自己啦！

戒煙第二十二天

吸煙減低視網膜細胞自我修復能力，日久增加對眼睛結構的損害。研究顯示，吸煙增加視力衰退及老年性黃斑點退化風險2至3倍。

另外，煙霧中的重金屬鉛和鎘直接破壞眼部晶體、降低抗氧能力，增加白內障風險2至3倍。
想保護視力？立即戒煙！

戒煙第二十三天

戒煙減少家人對你健康嘅擔憂。無煙生活係最幸福嘅選擇！

戒煙第二十四天

研究發現，胎兒成長期間，準爸爸或媽媽吸煙均可能影響胎兒耳部及肺部發育。BB出生後，患急性中耳炎的機會增加66％，呼吸道感染的風險高68%，因呼吸道感染入院風險更高出50%。

戒煙係送俾BB嘅第一份禮物，亦係最好嘅承諾。

戒煙第二十五天

水煙的煙草及助燃碳釋出大量有毒化合物，包括一氧化碳、重金屬、焦油及致癌物。吸食一小時水煙所吸入嘅煙霧可以相當於傳統煙嘅100至200倍！因此，水煙使用者吸入嘅有毒物質份量比吸食傳統煙更多。

水煙組件難以在每次使用後徹底消毒。研究發現使用水煙器具增加感染疱疹、肺癆及丙型肝炎等風險。千祈唔好食呀！

戒煙第二十六天

煙草的尼古丁和重金屬鎘對骨骼細胞有直接毒性作用，並降低吸收鈣和維他命D，增加骨質疏鬆風險。另外，吸煙提前更年期（1-4年），令鈣質加速流失。

綜合研究顯示，吸煙者髖部骨折風險比非吸煙者高8成。想老咗骨骼健康，行動自如？盡早戒煙！

戒煙第二十七天

如果你已經四個星期冇食煙，你已經捱過咗尼古丁引致嘅退癮徵狀。日後若有環境因素挑起你嘅心癮，你一定要記得今日嘅堅持同努力，唔好再食番。

要避免誘惑，一定要堅拒身邊叫你食煙嘅人同避免去有人食煙嘅場合。

戒煙第二十八天

唔好以為食少啲煙就冇事！綜合研究指出，一日一枝煙增加冠心病風險達4成，中風風險高2成！ 而一枝煙嘅風險已經相當於一包煙嘅一半！

純粹減煙無助減低吸煙引致嘅疾病及死亡風險。戒煙要徹底，一枝都唔好食！

戒煙第二十九天

戒咗煙既朋友，你終於可以同污糟嘅後巷和垃圾桶講分手喇！

戒煙第三十天

戒咗煙嘅你，唔使再被煙仔控制你的生活！自己嘅人生應該想點就點！